Bitácora do Nordés

Martes, 28 de Febreiro de 2006

Red de Blogs Socialistas

www.redblogsocialistas.org

Se ides á bitácora da Rede de Blogs Socialistas poderedes ver que xa “oficialmente” son membro da mesma. Quero agradecer á Rede, en especial ao seu coordinador, Enrique Castro (www.enriquecastro.net), que conten comigo neste “selecto” club.
A verdade que as cousas corren a moita velocidade. Aqueles que regularmente visitades esta bitácora sabedes que toda esta historia miña empezou alá o ano pasado, no mes de agosto. Grazas a Carlos, do que abuso moito debido as miñas deficiencias “internéticas” souben desto dos blogs… e agora estou na Rede de Blogs Socialistas!
En fin, ver para crer.

Sobre o novo Estatuto Galego
Non quero deixar de invitarvos, a aqueles que esteades por Ferrol o xoves e o venres, no Salón de Actos do edificio da Xunta de Galicia, situado na Praza de España, a partir das 20 horas, a participar en sendas conferencias sobre o novo Estatuto de Galicia.
O xoves, 2 de marzo intervén Ramón Máiz, Poñente do Proxecto do PSdeG-PSOE e Decano da Facultade de Ciencias Políticas da Universidade de Santiago.
O venres 3 de marzo, intervén Pablo González Mariñas, Poñente do Proxecto polo BNG e Deputado autonómico.
Este acto está organizado pola Asociación Fuco Buxán.

Por: M Cendán | Bitácora do Día | Comentarios (2) | Referencias (0)