Bitácora do Nordés

Mércores, 26 de Abril de 2006

Mobbing no Club de Campo de Ferrol

Hai un tempo atrás seguín o asunto desde as páxinas da prensa local, xa que hai un proceso xudicial. Agora, podedes ler a entrevista que Enrique Castro lle fixo a Teresa París, traballadora do Club de Campo.
Os ferroláns coñecemos quen é Vilariño, actual concelleiro de tráfico e Presidente Local do PP, máis quizais non sabíamos que o que fixo no Club era para enchufar á súa sobriña. Tamén o lembraredes pola súa defensa da estatua do Xeneral Franco, ou porque a anterior Xunta de Galicia creou un posto ad hoc de "coordinador" do Edificio Administrativo situado na Plaza de España en Ferrol. Antes ese posto non existía e agora coa nova Xunta tampouco. Vese que non era necesario que "coordinara".
En fin, sería mellor que "coordinara" o tráfico na cidade, que entre tanta rúa aberta ao ceo e a falta de planificación algún día vai pasar o peor.
En resumen visitade a bitácora de Enrique Castro, tamén recollida no xornal El Plural.
¡Teresa ánimo!

Por: M Cendán | Bitácora do Día | Comentarios (0) | Referencias (0)