Bitácora do Nordés

Domingo, 07 de Xaneiro de 2007

Madrugada de Reis

“Hola rei, lembra comelas galletas. Bicos”. Este é a mensaxe que tiña no meu teléfono móbil á saida do traballo e pouco antes de regresar a casa de madrugada.

Hoxe, se é que algunha vez a tuvo, o Día de Reis xa non ten ningún significado relixioso. É sobre todo unha gran festa, non sei se para os nenos ou especialmente para os maiores que ollamos aos nosos fillos pequenos.

Aquí tamén vemos o exceso da Sociedade de Consumo. Un exceso de xoguetes, tantos que materialmente lles é imposible atendelos. E o laico e republicano Noel gañoulle a batalla nesto dos regalos aos tres Magos de Oriente. Sinxelamente, porque chega antes.

Unha vez, sendo un neno, descubrín no fallado da casa as bicicletas que nos debían traer os Reis Magos. Alporizado fun a contarllo á miña mai, mentres tanto a miña tía as cambiaba de sitio. Así que cando nos levaron ao meu irmán e a mín, para deixar clara a miña “equivocación” estas non estaban. Lembro a resposta que lle din á miña mai a pesar de que xa pasaron varias décadas: “aos nenos non se lles engana”.

Pregúntome, tendo en conta que o lúdico desta festa sempre pódese manter, senón sería mellor dicirlles aos nenos, que esto acontece sencillamente porque os queremos.

En español

Por: M Cendán | Bitácora do Día | Comentarios (0) | Referencias (0)